OSUPWANG MI AUCHEA ME ALILIS MI MWITIR
Mwitir angangen alilis ika early help services ra fokkun auchea pokiten ra alisi kukkun semirit me ar famili. Faniten semirit mi ier 0 eta ngeni 5, mi fokkun auchea ach sipwe mwitir silei met ir ra osupwangan, pun ren ei, sipwe tongeni efisata óch watten eskkesiwil lon manawer lon ar mämärita me ar kaeo.
Program me Angangen Alilis
Hi'ilei Development Screening Program (Programen cheki feffeitan semirit)
Ewe Hi'ilei Program a fis pwe eu program esap kamo a cheki semirit pwe epwe fat ifa usun ir ra kaeo o mämäritä. A pwal fang information ika poraus mi auchea ngeni semen me inen me familien semirit mi ier 0 eta ngeni 5.
Kuttan Semirit
HIDOE Child Find ika Kuttan Semirit a eu program epwe alisi le kutta o tesini ekkewe semirit mi wor terir ika tufichingawer (disabilities) ir mi osupwangen alilisin special education.
Mwitir Le Alilis ika Early Intervention
Ewe Early Intervention Program ika Mwitir Le Alilis Program a fang alilis ese kamo ngeni semirit seni 0 eta ngeni 3 ierir pwe repwe märöch o kaeo.
Alilisin Famili
ALILIS LON PEEKIN ANGANGEN FÓÓL ME FAMILI/IMW (HOUSING)
Seni an epwe wor chon churi ekkewe sam me in mi keran nounou, tori alilis lon peekin imw ika housing me móóni, ekkei program ra alisi famili pwe repwe oueta longolong mi pochokul o awora ngeni ir minne ra osupwangen ran me ran.
MWONGO ME USUN AN INISICH A ALAMWOTA ANACH MWONGO
Ekkei program ra alisi famili pwe repwe kunokun aner mwongo mi lamwot faniten nour semirit seni an uputiw tori an a ierini ierin chon fiti sikuul, seni WIC me SNAP me mwongo lon sikuul ese kamo me/are mi mö kukkun.
OSUPWANG MI AUCHEA ME ALILIS MI MWITIR
Test faniten feffeitan noum semirit me angangen alilis mi mwitir ese kamo repwe awora ngeni om famili ekkewe pisekin alilis ami oua osupwangan pwe oupwe tongeni alisi noumi semirit pwe repwe mämärita o feffeita.
PEEKIN KAEO FANITEN KUKKUN SEMIRIT
A wor alilis faniten noum semirit lon iteiten kinikinin fansoun lon manawan, seni an uputiw tori an a ier 5, seni sikuul faniten kinter ika Pre-K ese kamo lon public me charter schools, tori ekkewe program usun chok Head Start, o pwal alilis ren liwinin tumwunun semirit ika child care.
POCHOKULEN INIS ME TUMWUNOCH
A fokkun auchea ngeni semirit pwe repwe pochokul lon inisir o pwal tumwun seni feiengaw pwe repwe tongeni märöch. Med-QUEST me CHIP ra nom ikei pwe repwe alisi famili pwe epwe wor alilisir le awora safeien atongeer kewe.
