Allukun An Emon Epwe Aea masouwen ewe First Five Hawai'i Website
Kilisou ren om feito ngeni ewe First Five Hawai'i Website (ewe ""site""). Ren om aea ei Site, en ka tipeeu ngeni ekkewe Allukun An Emon Epwe Aea, kapach ngeni ewe Privacy Policy. Ika pwe en kosap tipeeu ngeni ekkewe Alluk are ngeni ewe Privacy Policy, kosap aea ei Site. Ika kopwe aea ewe Site, iwe, a iei esisilen pwe en ka etiwa ekkei Alluk.
Ekkesiwilin ekkewe Allukun An Emon Epwe Aea Ei Website
First Five Hawai'i a amwochu ar pwuung pwe repwe asefosefali masouwen ekkei Alluk lon fansoun ese lifilifil. Ika kopwe sopwelo le aea ei Site mwirin a fis ekkei ekkesiwil iwe, sipwe apwungalo pwe en ka etiwa ekkewe ekkesiwil. Sia pesei ngonuk pwe kopwe nengeni ekkewe Alluk fan ekkoch pwe kopwe sopwelo le silei masouwer.
Porausen An Emon A Fich Faniten Ekkei Mettoch
Ewe Site epwe tongeni cheki ika emon a fich ngeni an epwe fiti ekkewe program. Ekkei chek resap fis pwe lesopwolon óch mettoch resap pwal föti emon, o ewe Offes Mi Wisen Emweni Eu Program ika Participating Agency repwe wisen apwungalo ika emon a fich ngeni an epwe fiti ar program. En ka tipeeu ngeni om kosap anomwu om apilukuluk won met en ka rongorong seni ewe Site faniten tufichum le fiti eu program o kopwe epichalo First Five Hawai'i seni wiser pwe epwe pwung met ra urenuk.
Proprietary Rights ika An First Five Hawai'i Pwuung
Kosap tongeni siwili, post, are copy óch mettoch seni ewe Site ika esap wor mwumwutan om kopwe fori ei sokkun seni First Five Hawai'i mi makketiw lon taropwe. Meinisin pwuung faniten ekkewe chon ekiekieta minne mi makketiw lon ei website, kapach copyrights, trademarks, me patent, ra faniten chok First Five Hawai'i are faniten ekkewe aramas minne ar.
Link Ngeni Pwal Eu Website
A tufich pwe ewe Site epwe efisata óch link ngeni pwal eu website. First Five Hawai'i esap nemeni, endorse-ini, are apwungalo pwuungun masouwen are fofforun ekkei sites. Esap tipisich ika pwe epwe wor óch om osukosuk fansoun om nengeni pwal eu website.
Kapasen Kunotipingen faniten Warranty me Liability
Ren om aea ewe Site, en ka tipeeu ngeni om kopwe epichalo First Five Hawai'i seni met ir ra apasa, are met emon epwe mochen tipi ngeniir fansoun an aea ewe website. Ewe Site me masouwan ra kaworoto ""lon ei chok lapalap"" ika ""as is"" nge esap wor óch kapasen alukuluk ika warranty epwe fiti. Esap wor emon epwe tongeni tipi ngeni First Five Hawai'i ren óch fofforun feiengaw (damage) are ika óch a poutulo seniir, pwal kapacheta om aea ewe website lon och sokkun lapalap, ika a fis óch osukosuk, are ika a fis óch mettoch punun om aea ewe Site.
Indemnification (En kopwe monatiw)
En ka tipeeu ngeni om kopwe tumwunu First Five Hawai'i o kopwe wisen mönatiw liwinin claims (kapas otuttur), damages (ika och a ta), me expenses (liwinin) (pwal kapacheta liwinin legal fees) mi fis pokiten om aea ewe Site, ika kopwe pwuratiw ekkei Alluk, are ika kopwe fofformwal.
An Aramas Pwuung Pwe Esap Wor An Emon Epwe Lifilifil Aramas
First Five Hawai'i esap lifilifil aramas pokiten ir chon ia, anuwen unucher, ar lamalam, ir mwirimiwirin chon ia, ierir, ika ir mwan are fefin, are ika pwe mi wor ar ter lon an kewe program are lefilen ekkewe aramas mi angang faniter.
Allukun Mwuun
Ekkei Alluk ika Terms ra nom fan allukun ewe State of Hawai'i. Ren om aea ei Site, en ka tipeeu pwe ewe state are ekkewe federal courts ra wisen nemenem (aani exclusive jurisdiction) lon Hawai'i.
Unusen ewe Pwoonen Etipeeu
Ekkei Alluk ika Terms ra manlapei unusen ewe pwoonen etipeeu lefilemi me First Five Hawai'i. Ikamwo óch kinikinin esap pwuung, nge lussun ekkewe Alluk repwe chuen chok eoch.