Kapas ais aramas ra soun ais (FAQ)
Meeta First Five Hawai'i?
First Five Hawai'i a eu leeni ikewe aramas repwe tongeni kaeo usun sokkopaten minen alilis mi wor faniten famili, repwe pwal kaeo usun feffeitan kukkun semirit. Ka tongeni sopwelo le kaeo usun ekkei mettoch won ach we page itan About ika Usun Am. Minne mi makktiw lon firstfivehawaii.org a pwung faniten ikenai pokiten ewe Executive Office faniten Early Learning (EOEL) ra sopwelo le uwalong poraus minafo won ewe website.
Ifa usun ai upwe tongeni sopwelo le kaeo usun tumwunun nei semirit (child care) me pre-school?
Ka need alilis le kutta emon epwe tongeni alisuk le tumwunu noum semirit ika child care? Tiki ikei pwe kopwe kuna ekkewe chon awora child care minne ami oua osupwangan pwal ian ekkewe leeni ra nonnom ia mi koon mwirino fanitemi lon ami famili.
Ifa usun, ngang mi chuen tongeni aea First Five Hawai'i ika pwe nei semirit are ekkoch nei semirit ra watte seni 5 ierir?
First Five Hawai'i a for faniten semirit mi ier 0-5 me ar famili, nge chommong ekkewe program won First Five Hawai'i resap kouk ngeni chok semirit mi ier kukkun are, a tufich pwe ir ra pwal awora alilis ngeni semirit mi watte. Kopwe chok uwalong ranin uputiwen ewe semirit pwe kopwe kuna meni program i ika ami famili a fich fanitan, awewe chok ren TANF/FAONF, Med-QUEST, are SNAP.
Mi wor liwinin ami alilis ika program?
Apw, pun meinisin am kewe program, alilis, me foffor ika events ra chok free faniten famili meinisin. Sia mochen fori pwe epwe mecheres ngeni aramas meinisin lon Hawai'i pwe repwe tufichin angei alilis faniten nour kewe kukkun semirit.
Ifa usun, ei website a share-ini ai alen móóni tolong are pwal och porausei ren mwuun ika government?
First Five Hawai'i a chok share om contact information (itom me om email address) ren ekkewe program minne en kopwe fich ngeni om kopwe fiti, pwe ekkewe offesin ekkei program repwe tongeni kapas ngonuk.
Ngang ua tumwunu noun nei kewe. Ifa usun, ngang mi chuen tongeni kunokun alilis?
Ewer! Ika pwe en ka wisen tumwunu emon semirit, ikamwo esap i emon noum won inisum, nge a chuen wor sokkopaten program me minen alilis repwe tongeni alisi ewe semirit mi nom fan om tumwun.
Meeta ewe Eligibility Screener Tool?
Ewe screener tool won ewe First Five Hawai'i website a alisi famili pwe repwe kuna ekkewe program me alilis ir ra fich fanitan. Kopwe chok uwalong om contact information, zip code, uputiwen ewe semirit, me oukukun liwinin noumi móóni tolong lon imwemi. Mwirin, kopwapw kuna met sokkun alilis en kopwe le tongeni etiwa!
Ian ngang upwe tongeni kuna me ia tettelin iten ekkewe program mi wor won First Five Hawai'i?
Tiki ikei faniten om kopwe kuna tettelin iten ekkewe program me offes mi nom lon First Five Hawai'i lon ei fansoun iei.
