Mettoch Oua Tongeni Fori Alongolong Won Ierin Ewe Semirit: 0-1 Ier
Mettoch Oua Tongeni Angang Won:
- Kaeo ren inisich (Sensory development)
- Arapfengen (Bonding ika Tongofengen)
- Amwokutukutun inisir (Motor skills ika Tufichin Mwokutukut)
Akkoten Met Oupwe Tongeni Fori
Anomwu noum monukol won upwan lupwen a nennelo. Ei epwe alisi ekkewe waan pochokul lon uwan me afaran pwe repwe pochokichok.
Tiki kol mi pwetete are kapas pwetete ngeni noum monukol. Epwe poputa le esilla mweliom o pwal ekkoch akurangen pwellin unukun.
Mwut ngeni noum monukol an epwe atapa o amwochu lios mi matoutou. Ei epwe alisi i pwe epwe atapa mettoch mi sokkofesen o pwal kuna mettoch mi sokkofesen anuwanuwan.
Sokkun urumwot mi mecheres ra alisi monukol pwe repwe maröch! Ekkei sokkun foffor repwe alisi noum monukol pwe epwe kaeo ngeni an epwe mwokutukut, pwe epwe arap ngonuk o tongek, o epwe kaeo usun tufichin pwisin inisin. Ei a pwal apachalong fansoun an epwe tö won upwan, an epwe auseling ngeni kol mi pwetete, epwe pwal urumwot ren noun lios.
Kukkun semirit ra kaeo lupwen ra urumwot! Ekkei sokkun foffor mi apwapwa repwe alisi noum kukkun semirit pwe epwe kaeo kapas, epwe aea poun, epwe pwal urumwot ren pwal ekkoch. Pwal kapach ngeni an epwe apirapata kukkun pilak, aani kol, o pwal likappiru pwal emon fansoun an urumwot.
Lon ei ierin lon manawer, kukkun semirit ra ur ren pochokul! Ekkei sokkun foffor mi mecheres repwe alisiir pwe repwe feffeita lon ar silei kapas pwal silei mwokutukut, o epwe alisiir pwe repwe oruni ar repwe urumwot ren chiechier kewe.
Ekkewe semirit mi fiti preschool ra efich ar repwe nefetal o fori mettoch! Ekkei foffor mi apwapwa repwe alisiir pwe repwe kapas, ekiek, o urumwot ren pwal ekkoch. Pwal kapach ngeni ar repwe achufengeni ekkan puzzles, aporausa poraus ren ningio ika puppets, o pwal fetal lukun pwe repwe kaeo usun fonufan.
Semirit ra amollata faniten sikuul ren kaeo ren ar urumwot! Kopwe sotuni le fori mettoch mi apwapwa rer fiti ar ekiek, kapas, me amwokutukutun inisir. Pwal kapach ngeni sossotun saiens ika science experiments, aporausa poraus, pwal sokkun urumwot ren foun mesen mak.
Faniten pwal ekkoch poraus ika information faniten ekkewe foun mwailen feffeita ika developmental milestones kopwe nengeni ewe CDC's Developmental Milestones