Mettoch Oua Tongeni Fori Alongolong Won Ierin Ewe Semirit: 2-3 Ier
Met Oua Tongeni Angang Won:
- Kaeon kapas (Feffeita lon an silei sokkun kapas)
- Amwokutukutu ekkewe waan pochokul mi watte pwal ekkewe mi kisikis (Gross me fine motor skills)
- Alleasochis
- Urumwot fiti anchang
- Kaeo usun meefien letipan me chiechian (Kaeo chiechioch me sileen meefien lon letipan)
Akkoten Met Oupwe Tongeni Fori
Puzzles mi fouwatte kinikinin kewe repwe alisi noum semirit pwe epwe kaeo ifa usun an epwe silei poluwen sokkun osukosuk epwe pwal aeöchuelo nenen mesan pwal angangen poun.
Kopwe kokko usun chok emon maan o ureni noum semirit pwe epwe ura met sokkun maan en ka appiru, are ureni i met sokkun maan en ke appiru. Ei epwe alisiir pwe epwe kapas o auseling.
Mwut ngeni noum semirit epwe ninawu, ufi, o pwal wutut kolik lon kap are pwekit. Ei sokkun foffor a fokkun mwirino faniter pwe repwe urumwot o kaeo usun inisir, pwal pwe repwe aea ekkewe waan pochokul mi kukkun lon pour.
Itini ekkoch mettoch lon ewe imw ika fen lukun o urawu iter. Ei epwe alisiir pwe repwe kaeo kapas minafo.
Ochufengeni ekkoch lios ika kukkun pilak alongolong won anuwanuwer, saisir, ika lapalaper. Ei epwe alisiir pwe repwe mwitir kaeo math.
Etiki kol mi apwapwa o mwitir o pesei ngeni noum semirit pwe epwe mwokutukut o pweruk. Ei sokkun foffor epwe alisi i pwe epwe silei mwokutukut o pwal fiti tikin kol ika music.
Sokkun urumwot mi mecheres ra alisi monukol pwe repwe maröch! Ekkei sokkun foffor repwe alisi noum monukol pwe epwe kaeo ngeni an epwe mwokutukut, pwe epwe arap ngonuk o tongek, o epwe kaeo usun tufichin pwisin inisin. Ei a pwal apachalong fansoun an epwe tö won upwan, an epwe auseling ngeni kol mi pwetete, epwe pwal urumwot ren noun lios.
Kukkun semirit ra kaeo lupwen ra urumwot! Ekkei sokkun foffor mi apwapwa repwe alisi noum kukkun semirit pwe epwe kaeo kapas, epwe aea poun, epwe pwal urumwot ren pwal ekkoch. Pwal kapach ngeni an epwe apirapata kukkun pilak, aani kol, o pwal likappiru pwal emon fansoun an urumwot.
Lon ei ierin lon manawer, kukkun semirit ra ur ren pochokul! Ekkei sokkun foffor mi mecheres repwe alisiir pwe repwe feffeita lon ar silei kapas pwal silei mwokutukut, o epwe alisiir pwe repwe oruni ar repwe urumwot ren chiechier kewe.
Ekkewe semirit mi fiti preschool ra efich ar repwe nefetal o fori mettoch! Ekkei foffor mi apwapwa repwe alisiir pwe repwe kapas, ekiek, o urumwot ren pwal ekkoch. Pwal kapach ngeni ar repwe achufengeni ekkan puzzles, aporausa poraus ren ningio ika puppets, o pwal fetal lukun pwe repwe kaeo usun fonufan.
Semirit ra amollata faniten sikuul ren kaeo ren ar urumwot! Kopwe sotuni le fori mettoch mi apwapwa rer fiti ar ekiek, kapas, me amwokutukutun inisir. Pwal kapach ngeni sossotun saiens ika science experiments, aporausa poraus, pwal sokkun urumwot ren foun mesen mak.
Faniten pwal ekkoch poraus ika information faniten ekkewe foun mwailen feffeita ika developmental milestones kopwe nengeni ewe CDC's Developmental Milestones