Mettoch Oua Tongeni Fori Alongolong Won Ierin Ewe Semirit: 3-4 Ier
Met oua tongeni angang won:
- Fori mettoch minafo (Creativity)
- Kaeo poluwen kapas ais mi weires (Silei poluwen osukosuk)
- Amollata faniten an epwe kaeo allea (Mwitir silei allea)
- Kaeo usun chiechian (Silei chiechioch)
Akkoten Met Oupwe Tongeni Fori
Aea liosun pilak mi sokkopat anuwanuwer are lios ren om kopwe aiti ngeni noum semirit usun lapalapen me anuwanuwen mettoch. Ei epwe alisi i pwe epwe kaeo an epwe ekiek o lechuuni usun mettoch.
Angangfengen le ochufengeni kinikinin eu puzzle. Ei epwe alisi i pwe epwe kaeo ngeni an epwe silei poluwen osukosuk o pwal aean poun.
Fetal lukun o kapasfengen usun met oua kuna, rongorong, o tini ren pwotumi. Ei epwe alisi i pwe epwe mochen kaeo, epwe pwal kaeo kapas minafo.
Aea ningio ika puppets le aporausa eu poraus. Ei epwe alisi i pwe epwe feffeita lon an silei kapas, epwe pwal kaeo ngeni an epwe efisata mettoch, o weweiti meefien lon letipan.
Kopwe fori efoch al epwe fetal won nge epwe wor ekkoch minen eppet won, lon imw are lukun imw, nge esap koon eweires. Kopwe aea mettoch usun pillu, sea, me pilanket. Ei epwe alisi i pwe epwe amwokutukutu inisin o alapalo an pochokul.
Sokkun urumwot mi mecheres ra alisi monukol pwe repwe maröch! Ekkei sokkun foffor repwe alisi noum monukol pwe epwe kaeo ngeni an epwe mwokutukut, pwe epwe arap ngonuk o tongek, o epwe kaeo usun tufichin pwisin inisin. Ei a pwal apachalong fansoun an epwe tö won upwan, an epwe auseling ngeni kol mi pwetete, epwe pwal urumwot ren noun lios.
Kukkun semirit ra kaeo lupwen ra urumwot! Ekkei sokkun foffor mi apwapwa repwe alisi noum kukkun semirit pwe epwe kaeo kapas, epwe aea poun, epwe pwal urumwot ren pwal ekkoch. Pwal kapach ngeni an epwe apirapata kukkun pilak, aani kol, o pwal likappiru pwal emon fansoun an urumwot.
Lon ei ierin lon manawer, kukkun semirit ra ur ren pochokul! Ekkei sokkun foffor mi mecheres repwe alisiir pwe repwe feffeita lon ar silei kapas pwal silei mwokutukut, o epwe alisiir pwe repwe oruni ar repwe urumwot ren chiechier kewe.
Ekkewe semirit mi fiti preschool ra efich ar repwe nefetal o fori mettoch! Ekkei foffor mi apwapwa repwe alisiir pwe repwe kapas, ekiek, o urumwot ren pwal ekkoch. Pwal kapach ngeni ar repwe achufengeni ekkan puzzles, aporausa poraus ren ningio ika puppets, o pwal fetal lukun pwe repwe kaeo usun fonufan.
Semirit ra amollata faniten sikuul ren kaeo ren ar urumwot! Kopwe sotuni le fori mettoch mi apwapwa rer fiti ar ekiek, kapas, me amwokutukutun inisir. Pwal kapach ngeni sossotun saiens ika science experiments, aporausa poraus, pwal sokkun urumwot ren foun mesen mak.
Faniten pwal ekkoch poraus ika information faniten ekkewe foun mwailen feffeita ika developmental milestones kopwe nengeni ewe CDC's Developmental Milestones