Mettoch Oua Tongeni Fori Alongolong Won Ierin Ewe Semirit: 4-5 Ier
Met oua tongeni angang won:
- Amollata faniten sikuul
- Ekiekifichi mettoch pwe epwe tongeni silei poluwen osukosuk (auchean ekiek)
- Kukkun amwokutukutun pau (fine motor skills)
Akkoten Met Oupwe Tongeni Fori
Aea flashcards are fori eu fansoun kukkutta mettoch (scavenger hunt) lupwen noum semirit epwe kutta ekkewe mettoch ra poputa ren óch foun mesen mak ika óch nampa.
Fang ngeni noum semirit óch playdough pwe epwe alapalapa, fiei, o ouluulu. Ei epwe alisi poun pwe repwe pochokul, epwe pwal alisi ewe semirit le kaeo an epwe fori mettoch.
Sotuni ekkoch mettoch faniten science mi mechers, awewe chok oupwe nofiti baking soda me finikar. Ei sokkun foffor epwe aiti ngeniir pwe lupwen repwe fori óch mettoch, pwal óch mettoch epwe fisita, ika "cause and effect."
Aea ekkoch pisekin lon imw, usun sitokin are pwöchen, o ureni noum semirit pwe epwe aimwufeseni ekkewe pisek alongolong won anuwanuwer, saizir are lapalaper. Ei epwe alisi i pwe epwe lechuuni usun mettoch o emwirinola an tufichin ekiek.
Ureni noum semirit pwe epwe alisuk le ekiekieta eu poraus, kopwe ureni i usun ekkoch om akkot ngeni ekkewe aramasen lon ewe poraus, are faniten met epwe fis lon ewe poraus. Ei epwe alisi i pwe epwe anchangei mettoch o pwal aea mwelian.
Sokkun urumwot mi mecheres ra alisi monukol pwe repwe maröch! Ekkei sokkun foffor repwe alisi noum monukol pwe epwe kaeo ngeni an epwe mwokutukut, pwe epwe arap ngonuk o tongek, o epwe kaeo usun tufichin pwisin inisin. Ei a pwal apachalong fansoun an epwe tö won upwan, an epwe auseling ngeni kol mi pwetete, epwe pwal urumwot ren noun lios.
Kukkun semirit ra kaeo lupwen ra urumwot! Ekkei sokkun foffor mi apwapwa repwe alisi noum kukkun semirit pwe epwe kaeo kapas, epwe aea poun, epwe pwal urumwot ren pwal ekkoch. Pwal kapach ngeni an epwe apirapata kukkun pilak, aani kol, o pwal likappiru pwal emon fansoun an urumwot.
Lon ei ierin lon manawer, kukkun semirit ra ur ren pochokul! Ekkei sokkun foffor mi mecheres repwe alisiir pwe repwe feffeita lon ar silei kapas pwal silei mwokutukut, o epwe alisiir pwe repwe oruni ar repwe urumwot ren chiechier kewe.
Ekkewe semirit mi fiti preschool ra efich ar repwe nefetal o fori mettoch! Ekkei foffor mi apwapwa repwe alisiir pwe repwe kapas, ekiek, o urumwot ren pwal ekkoch. Pwal kapach ngeni ar repwe achufengeni ekkan puzzles, aporausa poraus ren ningio ika puppets, o pwal fetal lukun pwe repwe kaeo usun fonufan.
Semirit ra amollata faniten sikuul ren kaeo ren ar urumwot! Kopwe sotuni le fori mettoch mi apwapwa rer fiti ar ekiek, kapas, me amwokutukutun inisir. Pwal kapach ngeni sossotun saiens ika science experiments, aporausa poraus, pwal sokkun urumwot ren foun mesen mak.
Faniten pwal ekkoch poraus ika information faniten ekkewe foun mwailen feffeita ika developmental milestones kopwe nengeni ewe CDC's Developmental Milestones