Kich meinisin sia mochen pwe nouch monukol repwe mämäritä ren pwapwa me pochokul - o sisap mochen pwe ewe fansoun epwe mwitir le luulo. Nge ekkewe semirit ra mwitir le mämäritä, mwitir seni ach sia ekieki. Lupwen ekkewe sousilelap ra kaeo usun tupwuen aramas, ra kuna pwe ekkewe akkomwan limu ierin manawen emon semirit ra förata longolongun unusen manawer epwe feito.
Seni ar uputiw tori ar ier 5, tupwuen semirit a mwitir le mär lap seni lon pwal eu fansoun lon manawer. Science a fen afataöchu ngeni kich pwe met a fis ngeni emon semirit lon ekkewe akkomwen ierin manawan - minne mi eöch are minne mi ingaw - a alisi le alapalapa oukukun märin tupwuan. Mi wor esenipaen ekkewe mettoch mi fis ngeni semirit, lon ar health (pochokulen inisir) me tufichir le kaeo o feffeita lon sikuul o pwal lon manawer.
Lon First 5 Hawai'i, sia achocho ngeni le awora ngeni famili ewe information (poraus) pisekin angang, pwal porausen alilis pwe sipwe alisi ekkewe semirit pwe repwe pochokul o feffeita o kaeo seni lemonukolur tori ar ra ier 5. Sia luku pwe ren ach alisi le apochokula sam me in me chon fóól pwe repwe angei ekkewe mettoch mi mwirino faniter, iwe, sia tongeni alisi iteiten emon me emon semirit lon Hawai'i pwe epwe mwirino lepoputan manawan.
